وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معنا

[Dr.hala]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكم الله خيرا
وربنا يصبر اهالى المصابين والمتوفيين فى الثورة
وحسبنا الله ونعم الوكيل فى كل ظالم
حسبنا الله ونعم الوكيل
حسبنا الله ونعم الوكيل
اللهم ول علينا خيارنا
اللهم اصلحنا واصلح بنا
اللهم انصر المسلمين فى كل مكان
وجزاكم الله خيرا على ماتقدمونه من اعمال راااائعة
فى انتظار البقية ان شاء الله

[moslma lillah]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

اللهم آآمين

بارك الله فيكم وتقبل منكم

وهمتكم في نشر المسلسل

وانتظروا الحلقة الـ7 غداً بإذن الله تعالي

ربنا ييسر يارب ويبارك في الوقت

.
.
.

[aya]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

ما شاء الله
موفقات اخواتنا

[فاطمة سعد]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

اللهم آآمين

بارك الله فيكم وتقبل منكم

وهمتكم في نشر المسلسل

وانتظروا الحلقة الـ7 غداً بإذن الله تعالي

ربنا ييسر يارب ويبارك في الوقت

.
.
.

ان شاء الله
انتظاركم

[ahmadof]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

بالانتظار..

[محبة الإيمان]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

منتظرين بفارغ الصبر

[جوا الجووون يا شباب مصــر]

الحلقة الـ7

الحلقة السابعة
وعااااادت تقريبا الحياة لشبه استقرار وليس استقرار كاملا
ولكن للأسف
عادت أيضاً أحوال الناس لما كانت عليه من قبل
بل وفي ناس أصبحت أسوأ مما كانت لغياب الشرطة والأمن

وكأنها كانت تراقب الشرطة وليس رب العالمين
الله المستعان

نعود لأبطالنا ونشوف أحوالهم إيه

عمر والانتكاسة ووسوسة الشيطان
وهذا هو عنوان حلقتنا اليوم

بدأ الترم التاني من الجامعة بعد تأخيره كتير بسبب الثورة
عمر يتقابل مع شلته
يوسف
محمد
حسين
وربنا يرحم طارق
أما البنات
فيارا جاية أهي تسلم ع الشلة :
يارا : ازيكم يا جماعة كل ثورة وانتو طيبين .
عمر : وانتي طيبة _ نفسه يسأل ع نانسي ولكن ضميره يصارع شيطانه _
حسين : وانتي طيبة يارا , انتي كنتي في التحرير انتي ونانسي ولا كنتوا عاملين إيه ؟
يارا: لا تحرير إيه أنا عن نفسي كنت قاعدة مرعوبة في بيتي وانتو ولا سؤال ولا حتى رنة تطمنوا عليا فيها
ولا إيه يا أستاذ يوسف
يوسف : ها ! يا بنتي احنا كنا في إيه ولا ف إيه ! , دي كانت أيااااااااااااااااااااااااام !!!!!!!!!!!!
عمر يفتكر طارق ويبكي : وطارق كان هو ضحيتها , يا حبيبي يا طاااااااااااااااااااااااارق
يارا : ضحيتها ؟ آه صح فين طارق ؟
محمد : يارا بعد إذنك متجبيش السيرة دي مش ناقصين حزن وغم تاني .
يارا : مش فاهمة , هو طارق جراله حاجة بسبب الثورة
محمد وهو يبكي : طارق اضرب بالرصاص في الميدان وماااااااااات
يارا : إيـــــــه ؟ مات ؟ طارق اللي كان معانا وبيضحك ويهزر ويودينا نوادي وفسح وسهرات
وووو .... مات
عمر يدافع عن صاحبه : طارق مات أحسن موتة وتاب قبل ما يموت ونطق بالشهادتين وكمان مات مضروب
دفاعا عن بلده يعني شهيد إن شاء الله ودا عزائي الوحيد لفقد طارق , فلو سمحتوا اذكروا طارق بالخير مش
بالـ.....

وعمر يمشي ويسيبهم
وتراوده نفسه بسيجارة
ولكن يفتكر أحمد لما شدّ منه السيجارة
وافتكر الأيام اللي قضاها معاهم في الميدان
يااااااااااااه أيام جميلة رغم مرارتها
(( والمرة دي انتصر على نفسه في :
عدم سؤاله على نانسي وعدم شرب السيجارة))


يعود للبيت
وزينب لسه عندهم
وهشام حاليا في عيادته
ويدور الحوار بين عمر وزينب:
عمر : ازيك يا زيزي عاملة إيه ؟.
زينب : بخير الحمد لله يا عمور انت عامل إيه ؟ قولي وأخبار الثورة إيه معاك وإيه إحساسك بعدها ؟
عمر : والله أنا سعيد وحزين ومحتار وحالتي حالة .
زينب : امممممممم ليه بس قول وفضفض .
عمر : يعني سعيد إني اتعلمت كتير من الثورة دي ومن تواجدي مع ناس جميلة أوي في الميدان من ضمنهم
هشام بجد هشام رائع جدااا يا زيزي .
زينب: رائع ! ههههههههه يبقى انت لسه متعرفوش , ها ها كمل وحزين ليه بقى ؟
عمر : والله انتي ظالمة الراجل دا معاكي , ما علينا وحزين يا ستي طبعا لإني فقدت صديق عمري اللي عمري
مهنساه أبدا , أما محتار وحاسس إني في دوامة ما بين الصح والغلط وما بين الشر والخير مش عارف .
زينب : ربنا يرحم طارق يارب رحمة واسعة ويتقبله شهيد , وبالنسبة للحيرة يا عمر فكلنا كدة مش انت
بس ودا حال الدنيا كلها إن الحق والباطل هيفضلوا في صراع ليوم الدين , بس احنا بقى ربنا ادانا قرءان وسنة
تعرفنا الصح من الغلط وادانا عقل نفكر بيه وادانا فطرة سليمة ولكن الشيطان بيحاول يغوينا عشان يخلينا نحيد
عن كل دا عشان يودينا جهنم معاه نعوذ بالله منه ومنها , فربنا يعينا يارب على الطاعة ويبصرنا بالحق ويثبتنا
عليه .
عمر : آآآآآآآآآآآآآآآآآآمين .

أومر - أومر - أومر عايز مصاصة
دا الحج معاذ أصله لسه 3 سنين مش عارف ينطق حرف العين
فيخده عمر ويبوس فيه لحد ميطهئه في عيشته ,
معلش يا معاذ بيطلع حزنه وزهئه فيك
{الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ أَمَلًا}
الآية :46 /سورة الكهف

وينزل جرررررري يشتريله مصاصة
ويسأل ست الكل : عايزة حاجة من تحت أنا نازل أشتري مصاصة لمعاذ ؟
يخد لاستة الطلبات
وينزل
وهو نازل على السلم يلاقي مين









طبعا من غير نقاش ولا تفكير
أحمد المبتسم
أحمد : أهلااااااااااااااااااااا صديقي الميداني الثورجي بالحضن يا باشا , اتصدق انت ابن حلال مصفّى أنا كنت لسه هعدي عليك !
عمر : هههههههه ميداني وثورجي كمان ! الله يرحم كنت مسميني إيه قبل الثورة , دانت الثورة غيّرتك
خالص ههههههههه .
أحمد : ههههههههههههه يووووووو مش هنخلص بقى إنت قلبك أسود ولا إيه يا عم انت ؟ طب مانت كمان
بقى كنت بتردلي البصة بكام رُصيّة بعينك كأنك عايز تيجي تكلني .
عمر : هههههههههه الصراحة آه كنت بشوفك من هنا وبصاتك ليا , كنت بمسك نفسي عنك بالعافية سبحان
الله ربنا عالم إننا هنبقى أصحاب وسمنة على عسل مش سد الحنك بتاع زمان .
أحمد : طب الحمد لله إن العسل دخل في الموضوع عشان يسلك الحنك .
عمر : هههههه والله اتصور يا أحمد إني حبيتك جدا سبحان الله ربنا حكيم أوي وكريم أوي عوضلي طارق
بيك .
أحمد : ربنا يرحمه يارب ويكتبه شهيد عنده , وأنا والله كنت بحبك من قبل الثورة على فكرة وكأن ربنا عمل
الثورة دي عشان اكتشف الاكتشاف الهايل دا
" إني بحبك في الله " هههههههه
- {إذا أحب أحدكم أخاه فليعلمه أنه يحبه}
الراوي: المقدام بن معد يكرب و أنس بن مالك و رجل من الصحابة المحدث: الألباني - المصدر: صحيح الجامع - الصفحة أو الرقم: 279
خلاصة حكم المحدث: صحيح
-
عمر : ههههههه حاسس إننا اتنين حبيّبة عمالين يحبوا في بعض في بير السلم والناس هتقفشهم دلوقت .
أحمد : إيه يا عم ميقفشونا إحنا بنعمل حاجة غلط انت أهو راجل أد الدنيا وأنا أهو بدقن يعني راجل راجل ,
قولي بقى يا عم الراجل حضرتك مجتش تصلي العصر ف المسجد ليه ! مش الرجالة بتصلي في المسجد برده ؟
عمر : امممممممممممم احم احم
أحمد : لالالالا يا عم المئمئة والنحنحة دي متنفعش , الله يرحم أيام الثورة لما كنت بتقيم الصلاة عشان الإمام
يبدأ يصلي صح والصلاة في مواعيدها وتصحي الناس ولا دا كان واحد تاني ؟
عمر ومكسوف من نفسه : صح , دي كانت أيام جميلة , ادعيلي يا أحمد ربنا يثبتني .
أحمد : يارب يثبتنا جميعا أهم حاجة الصحبة الصالحة , يعني متزعلش مني يا عمر , طارق الله يرحمه لما كان
معاكوا في الشلة كان شخص عادي بيعصي ربنا ولما بعِد عنكوا واتعرف على صحبة جديدة صالحة انصلح
حاله وأديك شفت مات ازاي , يعني لو كان طارق معاكوا في الوقت دا مكنتش دي هتبقى الموتة بتاعته أبدا
لأن الصاحب ساحب , فحاول يا عمر غيّر من صُحبتك وبالذات البنات ابعد عنهم نهائي
لأن الاختلاط طريييييييييييييييييق كللللللللللللللللللل المعاصي اللي في الدنيا





عمر وبيفكر في كلام أحمد : ربنا يسهل يا أحمد يارب ادعيلي انت بس دايما معاك ....ويلا يا عمنا عايز
حاجة لاحسن ماما معلش مستعجلة ع الطلبات .
أحمد : سلم على ماما أوي وعلى هشام حبيب قلبي الراجل السكرة دا .
عمر: يوصل إن شاء الله

أحمد : بقولك ايه استني انا جاي معاك .

وهم ماشيين بيدردشوا وخلاص بقوا سمنة علي عسل
قابلوا صديق أحمد وطبعا ملتحي
ويدور الحوار الآتي :
صديق أحمد : السلام عليكم ورحمة الله وبركاته
أحمد & عمر : وعليكم السلام ورحمة الله وبركاته
أحمد : أهلا بشيخنا الجميل ليك وحشة .
أحمد يكلم عمر : دا بقي شيخ المنطقة يا عمر ما شاء الله عليه دروسه رائعة وله حلقات تحفيظ في معظم جوامع
المنطقة .
عمر : ما شاء الله أهلا وسهلا بحضرتك .
صديق أحمد : حضرتك ايه يابني ؟ انا زيي زيك بالظبط وانت احسن مني كمان هو عم أحمد بس مكبر الموضوع شوية .
عمر : بس غريبة يعني , سنك صغير وبتدي دروس وحلقات وبيقولولك شيخ وكدة ؟؟
أحمد : هو فعلا سنه صغير ولكن ما شاء الله اجتهد في طلب العلم وحفظ القرآن .
عمر : ما شاء الله عقبالنا يارب .
صديق أحمد : طيب يا عمر ما احنا فيها أهو ايه رأيك تيجي تحضر درس دلوقت معانا وتشترك في حلقات قرآن عشان تبقي من أهل القرآن ايه رأيك ؟
أحمد بيتمني عمر يوافق ولكن يقول عمر : إن شاء الله أنا معاكوا ولكن معلش مش النهاردة عشان ورايا كذا
حاجة .
أحمد : يا عم دا الدرس نص ساعة بس مش هيعطلك خالص .
عمر : معلش مش هقدر مرة تانية إن شاء الله .
صديق أحمد : براحتك يا حبيبي المهم أنا مستنيك في أي وقت .
عمر : ربنا يكرمك علي ذوقك كنت فاكرك هاتضربني عشان مش هحضر :) .
صديق أحمد : هاضربك ؟ يا نهار أبيض ليه حد قالك إني بوليس سياسي :) !
عمر : أعوذ الله منهم , طب أنا حبيتك وهاحضر معاكوا بس معلش هكلم أمي بس عشان متقلقش .

ويبدأ الدرس
وعمر يستفتح الدرس بسؤال :
عمر : معلش ممكن سؤال أصلي محتار فيه أوي وعايز أعرف اجابته ؟
صديق أحمد : اتفضل طبعا
عمر : هو أنا ليه مشوفتكش معانا في ميدان التحرير أثناء الثورة انت وبعض الناس السلفية زيكوا ؟
صديق أحمد : ما شاء الله سؤال جميل وخطير ومهم جدااا يا عمر ودا بإذن الله هيكون موضوع الدرس النهاردة يا جماعة احتفالاً بعمر حبيبنا أولاً ولخطورة هذا الموضوع ثانياً .
و عايز أبدأ الدرس بآخر كلمة قالها وهي
" سلفية زيكوا "
ودي كلمة غلط يا عمر
السلفية دي مش ناس معينة أو جماعة معينة لالالا دي منهج , واحنا كلنا سلفيين عارف ازاي يا عمر ؟
عمر : ازاي ؟
صديق أحمد : صلِّوا ع النبي الأول
الجميع : عليه الصلاة والسلام
صديق أحمد : صلي الله علي محمد صلي الله عليه وسلم , الأول نعرف معني السلف ايه !!

::: السلفية منهجٌ :::
هي فهمٌ وعلمٌ وعمل
السلفية
::: هي التي تمضي على القرون الخيرية الثلاثة الأولى :::
من باب قول النبي صلى الله عليه وسلم :
(خير القرون قرني ثم الذين يلونهم ثم الذين يلونهم )
ولما ذكر النبي صلى الله عليه وسلم الفرقة الناجية قيدها هكذا قال :
(من كان مثل ما أنا عليه وأصحابي )
وليست السلفية مدعاة لأحد على الإطلاق
لكن من سلك طريق الإقتداء بمحمد صلى الله عليه وسلم
واهتدى بمحمد صلى الله عليه وسلم
كان هو السلفي حقا
معنى ذلك أيضا أن
كل مسلم على عقيدة صحيحة هو سلفي
يعني الذي يكنس الشوارع إذا كان مقتديا بالنبي ومهتديا بهدي النبي صلى الله عليه وسلم هو سلفي وربما تكون سلفيته أفضل بكثير من الذي حصّل العلم وادعى ولكنه لم يطبق أو استطال وعَلا على الناس والعياذ بالله جل وعلا

خلاصة المسألة
::: قدوتنا واحدة هو النبي صلى الله عليه وسلم :::

{لقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً }

درس رائع للشيخ محمد الزغبي

صديق أحمد : نيجي بقي لباقي سؤال عمر الجميل
" أنا ليه مروحتش أنا وبعض الرموز السلفية ميدان التحرير " ؟؟؟
ويرد علي هذا السؤال بهذا المقطع :

(( توضيح لماذا لم يشارك بعض التيارات السلفيه في المظاهرات ))

http://www.youtube.com/watch?v=jO3G3z9OXrk


عمر : جميل طيب يعني السلفيون قالوا إن المظاهرات حرام ؟
صديق أحمد يرد بهذا المقطع :

(( هل حرم السلفيون مظاهرات25يناير ))

http://www.youtube.com/watch?v=hDscZT7ZnSs


صديق أحمد : وحاجة مهمة أوي يا جماعة عايز أؤكد عليها إن الشيوخ اللي كانت ضد المظاهرات أو لم تخرج
معها نقول أنهم كانوا مخطئون ولم نسمع لهم بعد اليوم كما فعل بعض الناس هداهم الله لالالالا فالكل مجتهد فإما مجتهد مصيب له أجران وإما مجتهد مخطيء له أجر .
عمر : ما شاء الله جزاك الله خيراً يا شيخنا , استفدت كتير اوي .

صديق أحمد : طيب الحمد لله إنك استفدت هذا من فضل الله .
عمر : الحمد لله اسيبكوا انا بقي معلش ولنا لقاء تاني بإذن الله
أحمد & صديقه : بإذن الله , يلا في رعاية الله , ومننساش دعاء ختم المجلس قدوةً بالحبيب صلي الله عليه وسلم
" سبحانك اللهم وبحمدك نشهد أن لا إله إلا أنت نستغفرك ونتوب إليك " .

ويشتري الطلبات
ويوصل البيت
ويدخل أوضته
يفتح الكمبيوتر
وكان متعود أول ما يفتح الجهاز يلبس الهيد فون ويشغل أغاني
الشيطان يلاقيه مُعرض عن الأغاني
فيقنعه يسمع أغاني وطنية بموسيقي
فيسمع الأغاني الوطنية
وطبعا يفتكر طارق
ويدمع

.
.
ويعيش معاها
.
.
يفتح الياهو
وينظر لقايمة الأسامي
ومن ضمنها
ايميل طارق
" tarek&omar@yahoo.com"
من كتر حب طارق لعمر كتب اسمه مقترن باسم عمر
يا حبيبي يا طاااااااااااااااارق
ويبكي عمرررررررررر

ويفتح الإيميلات يقرأ إيميلات طارق له
ويحذف منها إيميلات المعاصي
زي
مواقع إباحية - أغاني - أفلام
عشان يطهّر طارق منها
.

.
فالشيطان يوسوس له بالأغاني المحرمة:

يا عم اسمع موري عشان يفكرك أكتر بطارق حبيبك مش هو كان بيجبلك علطول أحدث شرايطه ؟

وللأسف يسمع كلامه ويفتح أغاني الندامة
ويندمج معها
.
.
.


وإذ فجأة

BUSS

من ميـــــن ؟

إيميل غريب لا يعرفه عمر

فيقفل عمر قايمة الماسنجر هذه لأنه مكنش بيشيّت مع حد غير طارق
وخلاص طارق راح

فتأتي تاني
buss
عمر : يووووووووووو , مين حضرتك ؟
nnnnnnn is typing message
nnnnnnnn: مش عارفني طبعا يا أستاذ عمر من بعد الموقف البايخ اللي عملته فيا .
عمر : امممممممممممممممم مين نانسي ؟!
nnnnnnnn: : طب كويس إنك لسه فاكرني أهو يا أستاذ .
عمر مش عايز يكلمها ولكن نفسه الأمارة بالسوء اشتاقت لها + الشيطان : ياعم انت اعرف منها اخبارها
وبعدين اقطع علاقتك بيها.
nnnnnnnn : buss
nnnnnnnn:: عمر أفندي لو مش عايز تكلمني عادي ممكن تقفل .
عمر وللأسف ضِعِف : لالالا معلش النت علق بس , انتي أخبارك وكنتي فين , سمعت إنك روحتي الميدان ؟
nnnnnnnn:: آه دي كانت أيام مرعبة ولذيذة في نفس الوقت وكنت بايتة كمان فيه .
عمر: نعم ؟؟؟؟؟ بايتة ؟ ازاي يعني كنتي بتنامي على الأرض زي الرجالة قدام الناس ؟
nnnnnnnn: : آه عادي فيها إيه طالما مغطية نفسي وكمان الإخوة كمان كانوا خايفين علينا أكتر من إخواتنا والله .
عمر وبيتكلم بفطرة الدين والرجولة : ازاي يعني ؟ وأهلك ازاي يسمحولك بكدة , وافرضي حد اتعرضلك
بأي سوء ؟
nnnnnnnn: : هو إيه اللي ازاي ؟ هو انتو بس يا رجالة اللي مسمحلكوا بكل حاجة واحنا لا !
عمر : سوري ف الكلمة يا نانسي أنا اتصدمت فيكِ ومن كلامك دا , بحسبك محترمة لما زعلتي من آخر موقف عملته فيكِ .

_ سؤال هـــام حول مشاركة النساء في المظاهرات
بسم الله الرحمن الرحيم
والصلاة والسلام على أشرف المرسلين
أما بعد
سُئِل فضيلة الشيخ أبو إسحاق الحويني عن مشاركة النساء في المظاهرات ، فأجاب أنه لا يحل لإمرأة تؤمن بالله واليوم الآخر أن تنزل إلى أي مظاهرة كانت أو أن تشترك في أي حزب سياسي ,
يعني أخواتنا الفاضلات مفيش نزول يوم الجمعة الجاية 29 \ 7 _

nnnnnnnn:: عمر انت اتجننت , أنا غلطانة أصلا إني كلمت واحد زيك .
الشيطان : ايه دة اللى انت هببته مع البنت دا ؟ بقى هى جيالك برجليها لحد عندك تقوم تعمل عليها عم الحِِمِش , يا عم اتسلى معاها وسيبها وسيبك من مبادئها يلا روح صالحها بسرعة.

وللأسف برده يسمع كلامه تاني : نانسي نانسي متزعليش مني أنا مكنتش أقصد أنا آسف , ياريت تسامحيني .
مفيش رد
عمر : نانسسسسسسسسسسسي أنا آسف بقى .
الشيطان : شوفت بقى اديك زعلتها منك وزمانها هتعملك إجنور تاني , طيب كلمها بسرعة على التليفون , كويس إني نسّيتك تمسح رقمها , يلا بسرعة اتصل بيها وصالحها والباقي سيبه عليا أنا هبقي هصالحكوا على بعض متقلقش .


ويتصل بالفعل
وجرس
جرس
جرس
مش راضية ترد
الشيطان : طيب بص لحد ما أنا اقنعها تكلمك اشرب انت سيجارة بس هدّي نفسك بيها دلوقت لاحسن
انت بقالك كتير مشربتش وكدة غلط عليك هيعععععههههههععععه
وللأسف برده يسمع كلامه ويشرب
ويأتيه كحة شديدة من شربها
لإن خلاص كانت معدته هتعود لطبيعتها النقية بعد تركه لها لمدة شهرين
ولكن للأسف .....
ماما تتخض عليه لما سمعت الكحة الشديدة دي
فتدخل عليه
تلاقي ريحة السجاير المقرفة معبئة الأوضة
ماما : إيه دا يا عمر انت مش كنت بطلت الهباب دا !
عمر مش قادر يتكلم وحاسس بضيق بشع .
_ وطبعا ولا صلى العصر حتى في البيت ولا أي فرض بقاله كام يوم مقطع في الصلاة _
ماما : ليه يابني كدة ؟ دانا كنت طايرة بيك من الفرحة لما انصلح حالك وقربت من ربنا وبقيت تحضر دروس في المسجد ! .
عمر يسمع كلام الشيطان في أكبر الكبائر بعد الشرك بالله وهي تطاوله على امه : ماما سيبيني في حااااااااااااااااالي
أنا أصلا مش طايق نفسي سبيني لوحدددددددي .
ماما عينيها تدمع
لأول مرة عمر يعلّي صوته عليها ويكلمها بالطريقة دي
وتخرج من عنده معيطة
زينب تتخض : في إيه يا ماما ؟ مالك ؟
ماما : مفيش يا زينب أنا هروح أشوف الأكل

هشام يأتي من العيادة مُنهك وتعبان
تستقبله زينب بتكشيرة : كل دا تأخير ؟ أنا زهئت بقى على طول سايبني لوحدي ولا كأني أهمك ولا ابنك .
هشام يتعصب من كلامها : هو انتي على طول كدة بتنكدي عليا , عمرك مسمّعتيني كلمة حلوة ! دانا اللي
طهئت وزهئت يا شيخة .
ماما تيجي بسرعة من المطبخ : في إيه يا ولاد هو أنا هلاقيها منكوا ولّا من البيه اللي قاعد جوا دا ,
إيه بس البيت ماله ياربي ؟
أعوذ بالله من الشيطان الرجيم
وتشغّل سورة البقرة ف البيت
{اقرؤوا سورة البقرة في بيوتكم ، فإن الشيطان لا يدخل بيتا يقرأ فيه سورة البقرة}
الراوي: عبدالله بن مسعود
المحدث: الألباني - المصدر: صحيح الجامع - الصفحة أو الرقم: 1170
خلاصة حكم المحدث: صحيح

وهنا نقف وقفة مع زينب وهشام
أولا هم الاتنين غلطوا
زينب : غلطانة طبعا لإنك للأسف مقرتيش الموضوع دا , اتفضلي أدخلي حالا اقريه
ملف كوني جنته

وهشام : غلطان لإنك للأسف مش مُدرك إن الحياة الزوجية دي عبارة عن حبل من طرفين فلو طرف شدّ لازم الطرف التاني يرخي , إنما لو شدّ برده...... للأسف الحبل دا هيتقطع وهتخسروا كل شيء جميل ما بينكوا وأوله معاذ والحب السامي والميثاق الغليظ وووووو
وعامة حقك علينا يا أخ هشام : زينب هتقرى الموضوع وهتبقى تمام بإذن الله .

والبيت هدي بفضل الله
ثم بفضل سورة البقرة
وزينب أحلى حاجة فيها إنها بتحس بالذنب بسرعة :
زينب : ممكن أدخل ؟
هشام وباصص ناحية التليفزيون " قناة الرحمة "
برنامج جبريل يسأل والنبي يجيب
فيقول : اتفضل يا اللي ع الباب
زينب : احم احم , الأكل عجبك ؟ أنا عملت بمية مخصوص عشان انت بتحبها .
هشام باصص على التليفزيون ولا يرد .
زينب : طيب يرضيك يا شيخ حسان إن الأخ اللي بيتفرج عليك دا زوجته بتكلمه وهو ميردش عليها ولا
معبرها !!!!
هشام يبصلها ثم للشيخ ويقول : قول يا شيخ للأخت اللي قاعدة دي تتقي الله في زوجها شوية وترحمه من
تكشيرتها وكلامها اللي عامل زي الطوب دا لإنه برده عنده زلط ومش عايز يستخدمه لإنه بيحب زوجته .

وصافي يا لبن ..........اتفقع يا شيطان
_ { إن إبليس يضع عرشه على الماء . ثم يبعث سراياه . فأدناهم منه منزلة أعظمهم فتنة . يجيء أحدهم فيقول
: فعلت كذا وكذا . فيقول : ما صنعت شيئا . قال ثم يجيء أحدهم فيقول : ما تركته حتى فرقت بينه وبين
امرأته . قال فيدنيه منه ويقول : نعم أنت}
الراوي: جابر بن عبدالله المحدث: مسلم - المصدر: صحيح مسلم
- الصفحة أو الرقم: 2813
خلاصة حكم المحدث: صحيح
_


هشام يدخل لعمر
لإنه حس إنه اتغير وبان على وشه إنه اتفقل من بعد أما نوّر بحلاوة الإيمان

هشام : إيه يا عمر فينك اختفيت ليه تاني ؟
الله اتصدق سريرك مُريح ! أنا عايز أنام شوية تسمحلي أأنسك النهاردة
عمر يبتسم بالعافية : تنور يا هشام
هشام يضع إيده صُدفة تحت المخدة
يلاقي علبة السجاير
هشام : إيه دا ؟؟؟؟؟؟ عمر بتاعة مين دي ؟
عمر : اممممممممممم
هشام : عمر انت رجعت للسجاير تاني ؟
عمر يهز راسه بحسرة : آه
_ وينظر هشام للكمبيوتر
_ يلاقي قايمة الأغاني
_ ويلاقي تحت في شريط الـ Toolbars الشات بتاع نانسي
_ وعرف كمان إنه مزعل ماما

فهشام يشعر إنه أخوه الكبير بالفعل
لأن عمر يفتقد الأب والأخ الأكبر
فحس إنه رجع للوراء تاني في كل حاجة من بعد ثورة الثورة
فيتجه إليه
.
.

ويصفعه قلم على وجهه :
ترااااااااااااااااااخ

عمر اتفاجأ
واتصدم
واتوجع

هشام يمسكه من دراعه ويهزه : عمر عمر فوووووووووق مش هسمحلك ترجع للمعاصي تاني
فاكر أيام الميدان ؟
فاكر طاعة ربنا
فاكر الصلاة
فاكر قراءة القرءان
فاكر جهادنا في سبيل الله
فاكر كلام وحلقات الشيوخ ؟
فاكر طارق ؟
فاكر مات ازاي ؟
فاكر قالك إيه قبل ما يموت ؟
قالك إيه ؟
رد عليااااااااااااااااااااااااااااااااا

وينفجر عمر في البكااااااااااااااااااااااااااااااااء

ويأخذه هشام في حضنه
أيوة هو دا اللي أنا عاوزه يا عمر
.
.

وتحيا القلم اللي يفوّق صاحبه قبل الوقوووووووووع

وخلص القلم معي
نكمل الحلقة الجاية بإذن الله



هدايا الحلقة :
المفروض الهدايا اتوزعت وسط الحلقة ولكن مش هنزعلكوا تفضلوا هذه الهدية من دكتور حازم شومان :

مقطع لحظة ندم للدكتور حازم شومان (مؤثرة جداً)






وجوا الجووووووووووووون يا شباب مصر

[راجعة لك يارب]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

سبحان الله يعني القلم مش يخلص الا دلوقت .........

ع العموم جزاكم الله كل خير ولا تغيبوا علينااااا بحلقاتكم الممتعة المفيدة

[حور العين1996]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكم الله خيرا
حلقة جميــــــــــــــلة
ربنا يجزيكم عنا كل خير
*******************************
اللهم صل على سيدنامحمدوعلى اله وصحبه وسلم.
سبحان الله االعظيم وبحمده.

[ahmadof]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

بارك الله فيكم .. قصص رائعة وطريقة سرد أروع أضف إلى ذلك العبر المستقى..

جزيتم الجنة

[شمعة الايمان]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكم الله خيراً
متابعة إن شاء الله

[محبة الإيمان]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

ما شاء الله
حلقة رااااائعة ومعبرة
منتظرين ...

[مالي حب سواك يا رب]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكم الله خير الجزاء

متابعة بإذن الله

[moslma lillah]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

اخوتي المراقبين
رجاء تبديل هذا التصميم :

بهذا التصميم :

[واسلاماة]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزااااااااااكم الله خيراااااا
الله يجزيكم خير
وبالفعل
جواااااااااااااا الجوووووووووووووووون يا شباب مصر
ويارب نقول المره الجايه في القصه القادمه
جواااااااااااا الجوووووووون يا شباب الامه
لما الامه تفوق بقى وتتحرر بالفعل
لا اله الا انت سبحانك انى كنت من الظالمين